Университетте «Дизайн» бағыты бойынша студенттерді даярлау 1998 жылдан бастап «Сәулет» кафедрасында бастау алады. Кафедраны құрылған күнінен бастап 2005 жылға дейін сәулет ғылымдарының кандидаты, доцент Чекаева Р.У. басқарды.
2005 жылы 19 наурыздағы №8 бұйрыққа сәйкес «Дизайн» атты дербес кафедра құрылды. Кафедра меңгерушісі болып сәулет ғылымдарының кандидаты Чиканаев А.Ш. тағайындалды.
Кейінгі жылдары кафедраны педагогика ғылымдарының докторы Асылханов Е.К. басқарды.
2009 жылы кафедра «Дизайн» мамандығы бойынша магистрлерді даярлауға мемлекеттік лицензия алды. Бұл жоғары оқу орнынан кейінгі білім беруді дамыту мен ғылыми-педагогикалық кадрларды даярлаудың маңызды кезеңі болды.
2011 жылы «Дизайн» кафедрасына «Бейнелеу өнері» кафедрасы қосылып, біріккен кафедраның меңгерушісі болып техника ғылымдарының докторы, профессор Толкынбаев Т.А. тағайындалды.
2012 жылы «Дизайн» кафедрасы «Сызба геометриясы және компьютерлік графика» кафедрасымен біріктіріліп, нәтижесінде «Инженерлік графика және дизайн» кафедрасы құрылды. Айта кету керек, графикалық пәндерді оқыту тарихы 1960-жылдардан басталады. Сол кезеңде Целиноград инженерлік-құрылыс институтында (ЦИСИ) сызба геометриясы кафедрасы жұмыс істеген. Кейіннен осы институттың негізінде Л.Н. Гумилёв атындағы Еуразия ұлттық университеті құрылды.
«Инженерлік графика және дизайн» кафедрасының меңгерушісі болып техника ғылымдарының докторы, профессор Байдабеков А.К. тағайындалды.
2015 жылы кафедраға «Дизайн және инженерлік графика» деген қазіргі атау берілді. Бұл өзгеріс түлектерді даярлаудың негізгі бағыты «Дизайн» болғанымен, инженерлік графика пәндері білім беру процесінде қосымша, сервистік қызмет атқаратындығымен байланысты болды.
2023 жылдың қыркүйегінен 2025 жылдың маусымына дейін кафедра меңгерушісінің міндетін педагогика ғылымдарының докторы, қауымдастырылған профессор Самуратова Т.К. атқарды.
2025 жылдың маусым айынан бастап қазіргі уақытқа дейін кафедра меңгерушісі қызметін PhD докторы, «Болашақ» халықаралық бағдарламасының (Ұлыбритания) түлегі Омарова Жанар Талғатовна атқарып келеді.
Қазіргі уақытта «Дизайн және инженерлік графика» кафедрасы келесі білім беру бағдарламалары бойынша мамандар даярлайды:
-
6В02121 «Сәулеттік дизайн» – бакалавриат;
-
6В02120 «Графикалық дизайн» – бакалавриат;
-
7М02121 «Дизайн» – магистратура (ғылыми-педагогикалық бағыт).
