Жетістіктер

ТПГС кафедрасының мақтаныштары:

ОМАРОВ КАЙСАР ОСПАНОВИЧ –Қазақстан Республикасы Парламент Сенатының экс-депутаты,1979 жылы Целиноград инженер-құрылыс институтын бітірді.

ДЖАКУПОВ КАБИБУЛЛА КАБЕНОВИЧ –Қазақстан Республикасы Парламент Мәжілісінің халықаралық ісі, қорғаныс және қауіпсіздік жөніндегі Комитет мүшесі. Целиноград инженер-құрылыс институтын бітірді.

ЕСЖАНОВ САУЫРБАЙ КОЛИБАЕВИЧ – Қазақстан Республикасы Парламент Мәжілісінің халықаралық ісі, қорғаныс және қауіпсіздік жөніндегі Комитет мүшесі. Целиноград инженер-құрылыс институтын 1989 жылы бітірді.

ЕСИЛОВ САНСЫЗБАЙ СЕЙТЖАНОВИЧ – – Қазақстан Республикасы Парламент Мәжілісінің депутаты. Целиноград инженер-құрылыс институтын 1979 жылы бітірді. Құрылысшы-инженер.

КАПЕЛЬ ЕГОР ЯКОВЛЕВИЧ – Қазақстан Республикасы Парламент Мәжілісінің экология және табиғи пайдалы қазбаларды пайдалану сұрақтары жөніндегі Комитет мүшесі. Целиноград инженер-құрылыс институтын 1980 жылы бітірді. Құрылысшы-инженер

КОТОВИЧ ВАЛЕРИЙ НИКОЛАЕВИЧ – Экология және табиғи пайдалы қазбаларды пайдалану сұрақтары жөніндегі Комитет Хатшысы Целиноград инженер-құрылыс институтын бітірді. Инженер- механик.

МАМИН АСКАР УЗАКПАЕВИЧ – Қазақстан Республикасы Премьер-Министрінің біріншіорынбасары. Целиноград инженер-құрылыс институтын, Г. В. Плеханова атындағы Ресей экономикалық академиясын бітірді Құрылысшы-инженер, экономист.

Ғылым декадасы күніне орай сәулет –құрылыс факультетінде «Өнеркәсіптік және азаматтық құрылыс технологиясы» кафедрасының меңгерушісі т.ғ.к.,доцент Ерлан Енжилович Сабитовтың ұйымдастырылуымен «Ғылыми зерттеу нәтижелерін өндірісте енгізудің мәселелері» тақырыбында дөңгелек үстел болып өтті. Кіріспе сөзді деканның ғылым жөніндегі орынбасары А.А.Жумагулова бастады. Сонымен қатар презентациялар және баяндамалармен келесі қатысушылар сөз сөйледі: т.ғ.к.,доцент Ахметов Н.С. «Құрылысты тиімді басқарудың бағытындағы ұйымдастыру мәселелерін шешу», т.ғ.д.,профессор Шашпан Ж.А. «Өнерксәіптерді гранттар бөлу жолдарымен мемлекеттік қолдаудың жалпы жағдайы», «Құрылыс материалдарын, бұйымдары мен құрылымдарының өндірісі» мамандығының 1-курс магистранты Әбдуәлі Айдана «Коммерциализация инновационных технологии в производстве строительных материалов», Phd Базарбаев Д.О. «Цементті бетон жолдарға арналған сіңіру құрамы» және магистр Жаканов А.А. «Қабырғалы бұйымдарға арналған жеңіл бетондарды қолдану» . Қорытынды сөзде «Г жК» кафедрасының меңгерушісі Аукажиева Ж.М. және «ӨАҚТ» кафедрасының меңгерушісі Сабитов Е.Е. қатысушылардың барлығын құттықтап, алғысарын білдірді.

2025-2026 жылдарға арналған профессор-оқытушылар құрамының сертификаттары (жүктеп алу)

Патенты (жүктеп алу)

"Өнеркәсіптік және азаматтық құрылыс" кафедрасының студенттерінің әр түрлі бағыттағы жетістіктері (дипломдар, сертификаттар, грамоталар):

 

    2023 жылғы 16-18 қазан аралығында "Өнеркәсіптік және азаматтық құрылыс технологиясы" кафедрасының меңгерушісі профессор Л. Б. Аруова, қауымдастырылған профессор Л. А. Жақсылықова, KAZ Building-2020 ЖШС директоры А. Б. Елеусізова 5th International Conference on Nanomaterials, Materials and Manufacturing халықаралық конференциясына қатысты инженерия (ICNMM 2023) Васеда университетінде, Токио. Ғалымдар асфальт, битум және асфальт - полимерлі материалдарға арналған микро-және нанодисперсті қоспаларды пайдалану бағыты бойынша өз әзірлемелерін ұсынды, сондай-ақ осы бағытты коммерцияландыру мүмкіндіктерін қарастырды.

 

    "Өнеркәсіптік және азаматтық құрылыс технологиясы" кафедрасының меңгерушісі профессор Л.Б. Аруова, қауымдастырылған профессор Л. А. Жақсылықова, KAZ Building-2020 ЖШС директоры А. Б. Елеусізова әлемге әйгілі Токио университетіне барды. Dr Prof Ippei Maruyama құрылысы кафедрасының меңгерушісі Л. Н. Гумилев атындағы Еуразия ұлттық университетінің ғалымдарымен және Қазақстан Республикасының бизнес құрылымдарының өкілдерімен бірлесіп жұмыс істеуге мүдделілігін білдірді.

 Профессор Кипрос Пилакоутас және қауымдастырылған профессор Маурисио Гуадагнини – Шеффилд университетінің (Ұлыбритания) шақырылған профессорлары 2024 жылдың 17-қазаннан мен 28-қазан аралығында Л. Н. Гумилев атындағы Еуразия ұлттық университетіне шақырылған профессорлары ретінде барды. Ғылым және коммерцияландыру жөніндегі Проректор Жанна Дулатқызы Құрманғалиева Ұлыбритания Шеффилд университетімен ынтымақтастық туралы Меморандумға қол қойды. Университет басшылары Ұлыбритания кеңесінің – Ұлыбританияның мәдени байланыстар және білім беру мүмкіндіктері жөніндегі халықаралық ұйымының қолдауымен ғылым мен білім беру саласында тығыз ынтымақтастықты жоспарлап отыр. Сәулет-құрылыс факультеті ғалымдарының "500" ғалым бағдарламасына қатысуын күшейту арқылы ынтымақтастықты кеңейту бойынша Болашақ Халықаралық бағдарламалар орталығының қатысуымен тығыз ынтымақтастық жоспарланған. Профессор Аруова Ләззат Боранбайқызы 2024 жылы профессор Кипрос Пилакутастың жетекшілігімен Шеффилд Университетінде «500 Ғалым» бағдарламасы бойынша тағылымдамадан өтті.

Шақырылған профессорлар «Құрылыстағы Инновациялық технологиялар. Халықаралық тәжірибе» атты Халықаралық тренинг өткізді. Л. Н. Гумилев атындағы ЕҰУ сәулет-құрылыс факультетінің профессорлары, докторанттары, магистранттары белгілі профессорлар Кипрос Пилакоутас пен Маурисио Гуадагнинидің құрылыс саласындағы дәрістеріне қуана қатысты.

   

Л. Н. Гумилев атындағы ЕҰУ Ғылым және коммерцияландыру жөніндегі проректоры Ж. Д. Құрманғалиева мен Шеффилд университеті (Ұлыбритания) арасындағы ынтымақтастық туралы Меморандумға қол қойылғаннан кейін

 

Шеффилд Университет профессорларының Қазақстан Республикасы Елтаңбасының авторы, профессор Ж. М. Малибековпен кездесуі

 

«Құрылыстағы Инновациялық технологиялар. Халықаралық тәжірибе» семинары

2024 жылдың 19 қазанында Л.Н.Гумилев атындағы Еуразия ұлттық университетінің сәулет-құрылыс факультетінде «Ашық есік» күні өтті.

Еуразия ұлттық университеті — Қазақстанның жетекші білім беру орталықтарының бірі, ал оның сәулет-құрылыс факультеті еліміздің үздік мамандарын даярлайтын оқу орны болып табылады. Осы күні факультетке келген қонақтар оқу процесімен танысып, саладағы жетекші ғалымдармен әңгімелесіп, факультеттің мамандықтары жайлы толық ақпарат алды. Сонымен қатар, жоғары оқу орындарына түсу тәртібі туралы кеңес алу мүмкіндігі болды. Бұл іс-шара университеттің білім беру жүйесімен танысуға, өз болашағы үшін маңызды шешімдер қабылдауға көмектесті.

Біз барлық қатысушыларға ризашылығымызды білдіреміз және болашақта жаңа іс-шараларда кездесуге үміттенеміз!

   

6.12.2024 ж. күні факультетке сыбайлас жемқорлыққа қарсы жұмыс жасайтын өкілдер келіп, студенттерге дәріс оқыды. Дәрісте әртүрлі мәселелер айтылды, соның ішінде оқу барысында, сессия кезінде оқытушыларға  ақша жинамау, дастарған жаймау, сыйлық жасамау туралы сұрақтар көтерілді. Еске сала кетсек, 17-ші қараша күні заңсыз құқық бұзушылық фактісі тіркелген, яғни факультеттің 4-курс студентінің заңсыз құпия ұрлық  жасауына қатысты болуына байланысты, кеше, яғни 13.12 күні прокуратурадан келіп 4-курс студенттерімен кездесу өткізілді. Кездесуде студенттерге қандай жағдай болмасын заңсыз әрекетке бармауға, барған жағдайда әрбір азамат немесе азаматша заң алдында жауапты екенін ескертті.

    

 

2025 жылдың 26 маусымында Л. Н.Гумилев атындағы Еуразия ұлттық университетінің "Өнеркәсіптік және азаматтық құрылыс технологиясы" кафедрасының бакалавриат түлектеріне 6В07322 -"Өнеркәсіптік және азаматтық құрылыс", 6В07361 - "Құрылыс материалдарын, бұйымдары мен конструкцияларын өндіру" мамандықтары бойынша дипломдар табыс етілді.
Сол күні магистратура түлектеріне 7М07361 - "Құрылыс материалдарын, бұйымдары мен конструкцияларын өндіру "– 19 адам мамандығы бойынша дипломдар табысталды.
Дипломдарды Басқарма мүшесі-академиялық мәселелер жөніндегі проректор А. Б. Бисенбай, сәулет-құрылыс факультетінің деканы Е. Е. Сәбитов, "Өнеркәсіптік және азаматтық құрылыс технологиясы" кафедрасының меңгерушісі Л. Б. Аруова, сондай-ақ аттестаттау комиссиясының төрағасы Р. К. Базилов, АБК ЖШС техникалық директоры Ф. Б. Абдушукуров табыс етті.

     

Архитектура-құрылыс факультетінің профессоры Аруова Л.Б., қауымдастырылған профессор Тлеубаева А.К. және аға оқытушы Жаксылыкова Л.А. 2025 жылдың 19–21 қарашасы аралығында Шеффилд университетінде (Ұлыбритания) өткен «Қалдықтар негізінде ұсақ түйіршікті бетонды 3D-басып шығару технологиясы» атты семинарға қатысты. Семинар «Қалдықтар негізінде ұсақ түйіршікті бетонды 3D-басып шығару технологиясы» атты , ҚР ҒЖБМГҚ - жобасы аясында өткізілді, жоба жетекшісі – профессор Аруова Л.Б.

Семинарға Шеффилд университетінің инженерлік факультетінің ұсақ түйіршікті бетонды 3D-басып шығару бағыты бойынша ғалымдары мен докторанттары – профессор Кипрос Пилакоутас және профессор Бекзад Нематоллахи қатысты.
  

ЕҰУ ғалымдарының Шеффилд университетіне (Ұлыбритания) «Қалдықтар негізінде ұсақ түйіршікті бетонды 3D басып шығару технологиясы» атты жобасы шеңберіндегі сапары

     

2025 жылғы 12 қараша күні сағат 16:10-да СҚФ корпусының 203 аудиториясында «Өнеркәсіптік және азаматтық құрылыс технологиясы» кафедрасының аға оқытушысы Ахметов Нұралы Садырыбекұлы 6В07322 – «Өнеркәсіптік және азаматтық құрылыс» білім беру бағдарламасының 4 курс студенттері үшін ашық сабақ (практикалық сабақ) өткізді.

Ашық сабақ «Құрылыс өндірісін ұйымдастыру» пәні бойынша «Құрылыс алаңын және оны жұмыс өндірісін жүргізуге даярлау. Құрылыс бас жоспарын жобалау» тақырыбында өтті.

Сабақтың мақсаты – студенттерді құрылыс өндірісін ұйымдастырудың заманауи түрлерімен таныстыру, құрылыс объектісін дайындау, құрылыс алаңын ұйымдастыру және құрылыс сапасын бақылау жұмыстарын үйрету.

Сабақ барысында компьютерлік презентациялар, көрнекі материалдар және практикалық тапсырмалар қолданылды. Теория мен практиканың өзара байланысы сақталып, студенттердің белсенді қатысуы қамтамасыз етілді. Ашық сабақ жоғары әдістемелік деңгейде өтті.

2025–2026 оқу жылының күзгі семестрінде «Өнеркәсіптік және азаматтық құрылыс технологиясы» кафедрасында ашық сабақ өткізілді. Ашық сабақ 2025 жылғы 15 қазанда сағат 9:00-де, СҚФ корпусының 206 аудиториясында ұйымдастырылды.

Ашық дәрісті доцент Қожас Айгүл Кенжебекқызы «Құрылыс өндірісінің негіздері» пәні бойынша өткізді. Сабақ барысында жер жұмыстарына арналған машиналар, бір шөмішті экскаваторлардың түрлері мен олардың техникалық сипаттамалары қарастырылды. Ашық сабақ заманауи оқыту әдістері мен көрнекі материалдарды қолдану арқылы жоғары деңгейде өтті.